Det Norske Teatret søker barn i alderen 9 til 14 år til rollene som Tommy og Annika i musikalen Pippi på sirkus.
Det kan høyrest ut som ein fantasi, men i 2022 fekk denne framsyninga premiere i nabolandet vårt. Resultatet blei ei storslagen gjenskaping av Astrid Lindgrens klassiske karakter og like klassiske forteljing om verdas sterkaste, snillaste og festlegaste jente. Mottakinga var ellevill.
No er denne framsyninga klar for eit norsk publikum. Gjer dykk klare for å sjå Pippi som de aldri har sett henne i ein nyskriven, sensasjonell sirkusmusikal. Pippi på sirkus blir ei musikalsk overskotshending som trosser tyngdekrafta og som utan sikkerheitsnett viser eit svimlande akrobatisk ensemble og eit like leikande opplagt orkester.
Saman med Björn Ulvaeus har Maria Blom og Tilde Björfors skrive manus, som er basert på Astrid Lindgrens historie om da Pippi, Tommy og Annika drog på sirkus og møtte sirkusprinsessa Miss Carmencita, linedansaren Elvira og verdas sterkaste mann Sterke Adolf. Regien er ved Roine Söderlundh.
Pippi på sirkus er ein godtepose fullpakka med alt som er morosamt.
Tekst og musikk er skrive av mellom anna Björn Ulveus og Benny Andersson.
Prøvestart: 16.02.2026
Speleperiode: 18.04.2026-28.06.2026
Premiere: 18.04.2026
Dato for audition: Laurdag 15. og sundag 16. november.
Vi leiter etter tre jenter og tre gutar som er glade i å stå på scena og er gode til å syngje.
Barna skal alternere i rollene som Tommy og Annika, og skal vere ein del av ein stor sceneproduksjon på Det Norske Teatrets Hovudscene. Resten av ensemblet vil vere profesjonelle vaksne artistar innan musikk, teater og sirkus.
Slik søker du:
- Fyll ut skjema under, og last opp bilete.
- I tillegg skal du sende inn to filmfiler kor du syng.
1) Du skal synge songen "Nei, så gale må det ikkje gå" frå framsyninga med fila utan vokal og hjelpemelodi, sjå under. Du skal synge både Tommy og Annika sine linjer.
Her kan du laste ned notane.
Her kan du laste ned eit eksempel med band og vokal til å lære songen.
Her kan du laste ned ei fil med hjelpemelodi.
Her kan du laste ned fila du skal synge oppå når du skal sende inn opptaket ditt.
2) Du skal sende inn ein tonetest kor du skal høyre på ein skala, og kopiere denne mellom kvar skala.
Her kan du laste ned tonetesten.
- Etter du har filma alt kan du laste opp begge filene på dropbox - hugs å skrive fullt namn på den som søkjer i filnamnet! Lenke til dropbox her
Søknadsfrist: sundag 12. oktober 2025
Spørsmål? Kontakt oss på audition@detnorsketeatret.no